ЖАҺАНДЫҚ НАРЫҚТАР
Америкалық акциялар сейсенбі күні қайта қалпына келді. Бұған дейін нарық 10%-ға түзетуден кейін төмендеген болатын. Бұл жолы өнеркәсіптік және энергетикалық секторлардың акциялары көтеріліп, құлдырауға қатысты алаңдаушылықтар төмендеді.
S&P 500 индексіндегі компаниялардың 90%-дан астамы өсті, алайда ең ірі компаниялардың акцияларының көбі төмендеді. Индекстің тең салмақталған нұсқасы да нығайды.
S&P 500 2,1%-ға өсіп, өткен қарашадағы президенттік сайлаудан бергі ең үлкен күндік өсімді көрсетті. АҚШ-та ақпан айындағы бөлшек сауда көлемі болжамнан төмен – 0,2%-ға өсті, бірақ жалпы тұтынушылық шығындар ЖІӨ-ні есептеу үшін пайдаланылатын көрсеткіш бойынша 1%-ға артты. АҚШ қазынашылық облигацияларының кірістілігі 4,30%-ға дейін төмендеді, Bloomberg доллар индексі 0,3%-ға құлдырады.
АҚШ Қаржы министрі Скотт Бессент нарықтағы соңғы төмендеулерді «дені сау түзету» деп атап, ұзақ мерзімді перспективада мұндай жағдайлар қалыпты құбылыс деп түсіндірді.
Еуропалық акциялар Азия нарықтарынан кейін көтерілді. АҚШ нарығында белгісіздікке байланысты инвесторлар басқа аймақтардағы мүмкіндіктерге назар аудара бастады. Euro Stoxx 50 фьючерстері 0,5%-ға артты. Германияда парламент қорғаныс пен инфрақұрылым шығындарын қаржыландыру үшін жаңа қарыз тарту туралы заң жобасын мақұлдамақ.
Азияда Қытай нарығы рекордтық өсімді көрсетуде. Xiaomi Corp. және Tencent Holdings Ltd. сияқты технологиялық компаниялар қаржылық нәтижелерін жарияламақ.
Жапонияда Berkshire Hathaway компаниясы жапондық сауда үйлеріндегі үлесін арттырғаннан кейін, нарық оң динамика көрсетті. Жапония Банкі пайыздық мөлшерлемені өзгеріссіз қалдыруы мүмкін.
Шикізат нарығында мұнай бағасы екінші күн қатарынан көтерілді, алтынның бағасы унция үшін $3017 көрсеткішіне дейін жетіп, жаңа рекорд орнатты.
Корпоративтік жаңалықтар:
-
Қытайлық электромобиль өндірушісі BYD акциялары жаңа технологиялар енгізгеннен кейін Гонконгта рекордтық деңгейге көтерілді.
-
Жасанды интеллект саласындағы xAI компаниясы AI-видеогенератор Hotshot компаниясын сатып алды.
-
Banco Santander АҚШ нарығындағы өз орнын кеңейту мақсатында Verizon компаниясымен серіктестікке баруды жоспарлап отыр.
-
Google-дың бас компаниясы Alphabet Wiz стартабын сатып алу бойынша келіссөз жүргізуде.
ҚАЗАҚСТАНДЫҚ НАРЫҚ
Дүйсенбі күні KASE индексі 0,27%-ға өсіп, 5 622,95 тармаққа жетті. Индекстегі ең көп мәмілелер саны «Қазақстан Халық банкі» АҚ акцияларымен жасалды (2 943 мәміле). Сауда көлемі бойынша көшбасшы «ҚазМұнайГаз» ҰК АҚ акциялары болды (593,1 млн теңге).
Акциялары өскен компаниялар:
-
«Банк ЦентрКредит» АҚ (+2,26%)
-
Kaspi.kz АҚ (+0,93%)
-
«Қазатомөнеркәсіп» ҰАК АҚ (+0,33%)
-
«ҚазТрансОйл» АҚ (+0,13%)
Ақша нарығы: Мемлекеттік бағалы қағаздармен бір күндік репо (TONIA) операцияларының кірістілігі 21 базистік пунктке төмендеп, 15,85%-ды құрады. АҚШ долларымен қамтамасыз етілген бір күндік SWAP (SWAP-1D USD) ставкасы 50 базистік пунктке төмендеп, жылдық 11,33%-ды құрады. Жалпы сауда көлемі 450,002 млрд теңгені құрады.
Валюта нарығы: Дүйсенбі күнгі сауда нәтижесінде АҚШ долларының теңгеге шаққандағы орташа бағамы 498,88 теңгені құрады, бұл ұлттық валютаның 9,13 теңгеге әлсірегенін көрсетеді. Жалпы сауда көлемі 314,385 млн долларды құрады.
-
Минималды курс – 498,94 теңге
-
Максималды курс – 507,77 теңге
-
Соңғы мәміле бағасы – 501,00 теңге
Корпоративтік жаңалықтар:
-
Kaspi.kz нарықтан 500 млн АҚШ долларын тартуды жоспарлап отыр (Bloomberg).
-
Қазақстан Халық банкі өз акцияларымен жасалған мәмілелер туралы хабарлады.
-
Эйр Астана 2024 жылғы қаржылық есепті жариялады.
-
КТК акционерлері 1,3 млрд АҚШ доллары көлемінде дивидендтер алды.
