ҒАЛАМДЫҚ НАРЫҚТАР
Уолл-стритте біраз тыныштық орнады: акциялар мен облигациялар Дональд Трамптың деструктивті сауда соғысы аясындағы бір аптадағы күйзелістен кейін бірге өсім көрсетті.
Ақ үй тұтынушылық электроникаға қатысты кедендік тарифтерден уақытша босату жайлы белгі берген соң, S&P 500 индексі шамамен 1%-ға өсті. Apple Inc. акциялары екі күн қатарынан өсуін жалғастырып, жалпы 6%-дан астам өсіп, ірі компаниялар арасында көш бастады. Автоөндірушілер де өсім көрсетті, себебі Трамп автокөлік бөлшектеріне 25% кедендік алымнан босату мүмкіндігін қарастырды. АҚШ-тың қазынашылық облигациялары бес күн қатарынан төмендеуден кейін қайта өсті – бұл 10 жылдық табыстылықтың соңғы жиырма жылдан бергі ең үлкен секірісіне себеп болды.
АҚШ Қаржы министрі Скотт Бессент облигациялар нарығындағы соңғы сатылымдарға қатысты алаңдаушылықты басуға тырысты. Ол шетел мемлекеттерінің АҚШ қазынашылық облигацияларын жаппай сатып жатыр деген алып-қашпа әңгімелерді жоққа шығарып, қажет болған жағдайда нарықтағы бұзылуларды түзетуге арналған құралдардың бар екенін айтты.
Инвесторлар сауда соғысының экономикаға қалай әсер ететінін болжауға тырысуда, әсіресе келіссөздердегі тұрақсыздықты ескергенде. АҚШ шенеуніктері тарифтік стратегияның мұқият құрылғанын айтқанымен, сыншылар бұл саясаттың АҚШ президентінің көңіл-күйіне тәуелді екенін айтады.
BlackRock Inc. компаниясының зерттеу бөлімінің стратегтері Трамп әкімшілігінің бірқатар тарифтерді тоқтатқанынан кейін портфельдеріндегі тәуекел үлесін арттырып, АҚШ пен Жапония акцияларын сатып алып жатқанын мәлімдеді. Бірақ олар АҚШ-тың ұзақ мерзімді облигацияларынан аулақ болуда.
Сонымен қатар, Citigroup Inc. стратегтері Беата Мантидің жетекшілігімен АҚШ акциялары бойынша бағаларын төмендетті. Олар сауда соғысы экономикалық өсім мен компания табыстарына кері әсер ететіндіктен, осы актив санатынан әртараптандырудың пайдасы артқанын айтады.
Apple компаниясының iPhone сатылымдары IDC мәліметі бойынша бірінші тоқсанда 10%-ға өсті. Марк Цукерберг Meta Platforms Inc.-ке қарсы АҚШ Федералды Сауда Комиссиясының монополияға қарсы сот ісінде федералды сотта куәлік берді. Nvidia Corp. АҚШ-та жасанды интеллектке арналған құрылғылар өндірісін 500 млрд долларға дейін жеткізуді жоспарлап отыр. Intel Corp. өзінің Altera бағдарламаланатын чиптер бөлімшесіндегі 51% үлесін сатуға келісті.
АҚШ Федералдық резервінің басқарушылар кеңесінің мүшесі Кристофер Уоллер тарифтік саясаттың экономикаға әсері бойынша екі сценарийді сипаттап, олардың екеуінде де инфляциялық әсердің уақытша болатынын айтты. Уоллер жаңа тарифтерді «соңғы ондаған жылдағы АҚШ экономикасына әсер еткен ең ірі күйзелістердің бірі» деп атады. Оның айтуынша, егер тарифтердің инфляцияға әсері шектеулі болса, онда 2025 жылдың екінші жартысында пайыздық мөлшерлемені төмендету «өте ықтимал».
Азия нарықтары, әсіресе Жапонияда, Трамптың автокөлік тарифтерін тоқтата тұру туралы мәлімдемесінің әсерінен өсті. Toyota және Honda акциялары сенімді өсім көрсетті.
Қытай мен Гонконг нарықтарында баға қозғалысы ауытқып тұрды, ал АҚШ пен Еуропа фьючерстері бұрынғы шығындарының бір бөлігін қайтарды. АҚШ қазынашылық облигацияларының табыстылығы өсті, ал доллар индексі аздап нығайып, бұрынғы жоғалтулардың бір бөлігін қалпына келтірді.
Жапонияда 30 жылдық және 5 жылдық облигациялардың табыстылығы арасындағы айырма соңғы жиырма жылдағы ең жоғарғы деңгейге жетті — бұл жаһандық құбылмалылық пен бюджеттік тәуекелдерге байланысты. Tepco Power Grid қоса алғанда бірқатар жапон компаниялары облигацияларын шығару жоспарын кейінге шегерді. Жапония Банкі қазіргі белгісіздікке байланысты жақын арада пайыздық мөлшерлемені көтермейді деп болжануда. Ел осы аптада АҚШ-пен келіссөздерге дайындалуда.
КОРПОРАТИВТІК ЖАҢАЛЫҚТАР:
-
Webull Corp. акциялары дүйсенбіде күндізгі саудада 393%-ға күрт көтерілді — бұл компанияның SK Growth Opportunities SPAC-пен бірігу арқылы биржаға шыққаннан кейінгі аптасы.
-
Applied Digital стратегиялық өзгерістер аясында 5 млрд долларлық деректер орталықтарын кеңейту жоспарын жариялады.
-
НАТО Palantir Technologies компаниясының жасанды интеллектпен жұмыс істейтін әскери жүйесі — Maven Smart System-ді сатып алғаны жайлы жаңалық, Wedbush сарапшыларының пікірінше, Денвердегі бағдарламалық жасақтама компаниясының мемлекеттік келісімшарттардағы позициясын күшейтеді.
ҚАЗАҚСТАН НАРЫҒЫ
Дүйсенбі күні KASE индексі 0,32%-ға өсіп, сауда сессиясын 5 509,29 тармақ деңгейінде жапты. Өкілдік тізімдегі акциялар арасында ең көп мәміле "Қазақстан Халық Банкі" АҚ акцияларымен (2 841 мәміле) жасалды. Сауда көлемі бойынша көшбасшы — "Kcell" АҚ (897,9 млн теңге).
Күнді өсіммен аяқтаған алты эмитенттің акциялары:
-
"Қазақстан Халық Банкі" АҚ (+1,14%)
-
"Қазатомөнеркәсіп" АҚ (+0,88%)
-
"Kcell" АҚ (+0,87%)
-
"Қазақтелеком" АҚ (+0,78%)
-
"KEGOC" АҚ (+0,20%)
-
"Банк ЦентрКредит" АҚ (+0,08%)
Мемлекеттік бағалы қағаздармен (ГҚБ) бір күндік репо операциялары бойынша табыстылық мөлшерлемесі (TONIA) 16 базистік тармаққа төмендеп, жылдық 15,75%-ды құрады. Дәл осындай төмендеу SWAP-1D (USD) мөлшерлемесінде байқалды — ол жылдық 11,9
