ЖАҺАНДЫҚ НАРЫҚТАР
Жұма күні Standard & Poor’s 500 индексі 6 660 пункттен асып, өсімнің басты қозғаушысы технологиялық сектор болды. Шағын капитализациялы компаниялардың индексі рекордтық деңгейден төмендеді. Сауда көлемі 5 трлн АҚШ долларына опциондардың аяқталуына байланысты («үштік сиқырлы жұма») жабылу кезінде күрт артты.
АҚШ қазынашылық облигациялары консолидaциялануын жалғастырып, кірістілік қисығы бойынша аздап арзандады. Федералдық резерв жүйесінің төрағасы Джером Пауэлл осы аптада мөлшерлемелер бойынша шешімдер әр отырыстан кейін қабылданатынын атап өтті. Соған қарамастан, своп келісімдері 2025 жылы тағы шамамен екі мәрте мөлшерлеменің төмендеуін күтуді көрсетіп отыр. АҚШ доллары сәл нығайды.
Федералдық резерв жүйесінің губернаторы Стивен Миран CNBC арнасына берген сұхбатында мөлшерлемені төмендетуге қарсы дауыс беру себебін тарифтердің инфляцияға айтарлықтай әсер етпегені туралы өз пікіріне байланысты екенін айтты. Миннеаполис федералдық резерв банкінің президенті Нил Кашкари биыл тағы екі рет мөлшерлеме төмендетілуі мүмкін екенін атап өтті.
Standard & Poor’s 500 индексіндегі үшінші тоқсан бойынша болжам жасаған компаниялардың 22 пайыздан астамы аналитиктердің күткенінен жақсы нәтижелерге жетуді болжайды — бұл соңғы бір жылдағы ең жоғары көрсеткіш, деп хабарлады Bloomberg Intelligence. Керісінше, әлсіз болжамдар берген компаниялардың үлесі соңғы төрт тоқсандағы ең төменгі деңгейде болды.
АҚШ бағалы қағаздар және биржа жөніндегі комиссиясының төрағасы Пол Аткинс жұма күні мемлекеттік орган жария компаниялардың ақпаратты ашу ережелерін реформалауды жалғастыратынын мәлімдеді. Бұл жаңалық президент Дональд Трамп әлеуметтік желілерде тоқсандық есеп беруден жартыжылдық есепке көшу ұсынысын айтқан сол аптада жарияланды.
MSCI өңірлік индексі 0,2 пайызға көтерілді, Nikkei-225 индексі 1,6 пайызға дейін өсті. Жапон йенасы АҚШ долларына қатысты әлсіреп, әдетте экспорттаушылар үшін қолайлы жағдай туғызды. Infosys Limited және Tata Consultancy Services Limited сияқты үнді технологиялық компаниялары H-1B визаларына өтініш беру баждарының күрт артуының ықпалын трейдерлер бағалағаннан кейін арзандады.
Трамп алдағы Азия-Тынық мұхиты экономикалық ынтымақтастық саммиті аясында Си Цзиньпинмен кездесетінін мәлімдеді. Қытай тарапы телефон әңгімесін байсалды түрде сипаттаса да, Си Вашингтон мен Бейжің туындаған мәселелерді еңсере алады деген сенім білдірді. Жұма күні Трамп сондай-ақ H-1B визалық бағдарламасына ауқымды реформа жасауды, оның ішінде өтініш үшін 100 000 АҚШ доллары мөлшерінде баж енгізуді ұсынды. Бұл қысым ең алдымен Үндістанға және оның көлемі 280 миллиард АҚШ долларына тең ақпараттық технологиялар секторына түсуі ықтимал.
Мұнай бағасы өткен аптадағы шамалы төмендеуден кейін 0,6 пайызға өсті, ал күміс 2011 жылдан бергі ең жоғары деңгейге жетті. АҚШ пен Еуропа қор индексі фьючерстері іс жүзінде өзгеріссіз қалды.
КОРПОРАТИВТІК ЖАҢАЛЫҚТАР:
- Apple Inc. iPhone 17 Pro, Pro Max және iPhone Air сатылымын бастады. Жаңа құрылғылар жаңартылған дизайнмен, жетілдірілген батареямен және камералармен шықты, Гонконгтан Нью-Йорк пен Лос-Анджелеске дейін дүкендерде ұзын-сонар кезектер байқалды.
- Meta Platforms Inc. деректер орталықтарының энергия тұтынуын оңтайландыру үшін электр қуатының көтерме саудасына шығуды жоспарлап отыр.
- Google жарнамалық бизнесін өзгерту туралы Еуропалық Одақтың талаптарын орындайды, алайда бұрын талап етілгендей бизнестің толық бөлінуін қарастырмайды.
- Oracle Corporation Meta Platforms компаниясымен шамамен 20 миллиард АҚШ долларына тең бұлтты есептеулер бойынша келісім жасауды талқылауда.
- АҚШ президенті Дональд Трамп Қытай төрағасы Си Цзиньпинмен сөйлескеннен кейін TikTok-тың АҚШ-тағы активтерін америкалық инвесторлар консорциумына сату бойынша келіссөздерде ілгерілеу бар екенін хабарлады.
- Neuralink Corporation (Илон Масктың компаниясы) АҚШ-та қазан айында ойды мәтінге аудару үшін импланттарды пайдалануға бағытталған клиникалық сынақтарды бастауды жоспарлап отыр.
- Boeing Co. және Lockheed Martin Co. Түркиядан 250 жолаушылар ұшағына және F-16 жойғыштарына тапсырыс алуға жақын.
- Intel Corporation акциялары Nvidia Corporation тарапынан 5 миллиард АҚШ долларына инвестиция салынатыны туралы жаңалықтан кейін 23 пайызға өскеніне қарамастан, Citigroup компаниясының ұсынысы бойынша «сату» деңгейіне дейін төмендетілді.
- АҚШ денсаулық сақтау министрлігінің жанындағы консультативтік комитет Covid вакцинасына барлық жас топтары үшін әмбебап ұсынысты алып тастауға дауыс берді.
- Samsung Electronics Co. акциялары Nvidia Corp. компаниясынан жад микросхемаларын қолдануға рұқсат алғаннан кейін ең жоғары деңгейге жетті.
- Трамп әкімшілігі Tylenol препаратының белсенді затының аутизммен байланысы бар екенін жариялауды жоспарлап отыр, деп хабарлады Washington Post.
- Berkshire Hathaway Incorporated (Уоррен Баффеттің компаниясы) Mitsui & Co. компаниясындағы үлесін арттырып, жапон сауда компаниясының ірі акционерлерінің біріне айналды.
- Pfizer Incorporated семіздікке қарсы дәрі-дәрмек әзірлейтін Metsera Incorporated стартапын 7,3 миллиард АҚШ долларына сатып алуға жақын.
ҚАЗАҚСТАН НАРЫҒЫ
Жұма күні KASE индексі 0,86 пайызға төмендеп, 7 094,47 пункт деңгейінде сауда жабылды. Ең белсенді сауда АО «Народный Банк Казахстана» акцияларымен жүргізілді — 6 344 мәміле. Сауда көлемі бойынша да осы банк көш бастады — 595,2 млн теңге.
Өсім көрсеткен тек екі эмитент болды:
АО «Национальная компания “КазМунайГаз”» (+0,89%),
АО Kaspi.kz (+0,20%).
Мемлекеттік бағалы қағаздармен (TONIA) бір күндік репо мөлшерлемесі 9 базистік тармаққа өсіп, жылдық 15,72 пайызды құрады. АҚШ долларымен қамтамасыз етілген теңгенің бір күндік қарыз алу мөлшерлемесі (SWAP-1D (USD)) 17 базистік тармаққа көтеріліп, жылдық 11,54 пайызға жетті. Ақша нарығының бір күндік құралдарымен жалпы сауда көлемі 384,795 млрд теңге болды.
Жұма күні сауда қорытындысы бойынша 17:00-де АҚШ долларының «ертеңгі» есеп айырысуымен орташа өлшенген бағамы 541,34 теңгені құрады, бұл теңгенің 0,06 теңгеге әлсірегенін көрсетеді. Жалпы сауда көлемі 210,826 млн АҚШ долларына жетіп, 773 мәміле жасалды. Баға диапазоны 540,42–541,89 теңге болды, соңғы мәміле 541,50 теңгемен аяқталды.
Корпоративтік жаңалықтар:
- Касенбаев А.Т. Микроқаржы ұйымы Robocash.kz компаниясының бас директоры болып тағайындалды.
- «ҚазМұнайГаз» және LanzaJet жаңа авиаотын зауытының құрылысына қатысты техникалық-экономикалық негіздемені бекітті.
- Wabtec Қазақстанда дизель қозғалтқыштарын өндіруді іске қосады.
